Course description

Kokyaphang

Aisrisiri  sal payasanino lathabai chanaui phataro ongkhorwi sal khulumo Sribilas. Bini bihik tongo tei bwsa khoroktham tongo.Chana nwngna kwrwi bigra nukhung khakchangma maya langma. Thangwi tongphano poja manmahai saichungni kha bai kebengjak swngcharno mokol bai nukyani bagwi. Sabono Bwkha mwnakjak jolima tentaima chakya bwkha kesebjak langma.Sribilas mokol nukya.Mokol nukya rogni ba samungno kwrwi. Sabo bono tentaiui jesa nangphano nangjwra bihikni ajimanino naisingwi ma tongjao. Bihik Bindu chagwnang nunggwnang baburogni nogo samung tango. Salsa babuni bwsani mai tukmani salo bindu daktino thangnani nangnai.Chajaknai nwngjaknai mungsa phano kwrwi bwsarogno tamono chariui toni nai hinwi Srilbilas bihik no puisa tongkheba kisa kwlangdi  urum phano, romphe phano naharwi chariwanw hinui sao. Thang thangte bihik bindu puisa lepsa khitarwi kwlango. Mokol nukya Sribilas puisa naitugwi lengjago. Bwsa okrakeluno urum pairimani hebu bai sudon mochomsa mochomsa riui kelo mamang chaui khibi buphani bagwi bo kisa phano narwkliya.

Mokol se nukya phano bohokle okhuima sio. Bwsakse bura wngphani bohokle chamung sano.Mokol nukjakya thangjakna samung tangna mungsa jaga kwrwi hapar thakjak hai thuoi tong nani buya berai tongnani buya.Noksu nok ari borokrogbai kwrwngwi kokyachago binduno naisingtwtwi dibor kamani kha bai buhorwi naio.Okhuima bohok chajaknai mankhe mithik kithik totwra kwchawino chajajao Sribilas bindu chanani tubu mano. Lengla kwrwi bindu swrapsa ni bagwi  nogo phaimani jephuru jora mano kisa lelana muchungjago.Sribilas hinkhe bihik bwsa no kebono logi manya .Waisa waisu bihik bai koksalaimung sarikrog thwngna muchungjago. Phiyaba bini bwkha ni muchung mano bihik Bindu jora krwrwi ni bagwi supung manya.Bwsakni phano bo kwrwi.

Samung thangwi lengpwrajak, bwsa bwtwi nok nukhungo bahai khe naiui thangnai bwsai mokol nukya twiui a kok no nwansukmung baino choprojak Bindu.Rang puisa kwrwi khe nok nukhung khakchangma, hamjakma kwmaui thango. Samuang kwrwi reng tongnairog samungni mulaja saui manya.

 Buini nogo samung tangnai ba phungo nongkhor khedibor, dibor nongkhorkhe hor sokphaio Bindu.Machaibo machaya bo hor wngkheno mwktrwi lilik lalak thangbai o bwsarog.Sribilas samung kwrwi. Sal phaikhe saichung saichung tongmang lachima bai ,kha kham ma bai choprokjak bwkha  kebono samo manya ni bagwi belai saichung hai khakchangma kwma jak .Kisa misa kaham hamya jesa kokbaino jolijak. Kese kereng salbrum brum no ahai langma twiuino thangwi tonglaijao Sribilas tei bini nukhung.

What will i learn?

• Sana thang khe Sribilas ni langma bo anek kosto khe laio hinui saoi mano. Tamoni hinkhe bobo mokol nukjaya samung humung bo khlai manjaya. Bihik se samung tangwi chario tei nukhung samlok go. Bindu ni thani bo bwsaini bagwi jora kwrwi tomoni hinkhe samung bai no pailaiya wngma bagwi.O kothoma o borogni nukhung je kaham hamya ni bisingtwi borogni langma lai tongjao.

Frequently asked question