Course description

Kokbwkha:

           Swkang jora chini dophani borok huk khlai chalai mani nuk jago. Huk tangmani ulo sanjao gairing mai chalai phuru a lamatwi thangwi tongnai birondiyarog twi kangjagwi gairing thanglaio. Mairwngtwi mai chamani yak hanta bai birondiyarogno gairing achukrwi tilok twi kwchang tubuoi khano. Sipingno nugui birondiyarog chajagwi rajano thangwi sipingni kok saui.Raja o kokno khwnaui sipingno naina phaio tai twi khokna thangmani lamao manui korai sakao bogsai twlangwi bioni isiri kotor khwlaiui tono tai twi khogna thangmani lamao mania korai sakao bogsai twlangwi bini isiri kotor khwlaiui tono. Sajwk kotoini abotwi kwpal chwngsamano mairwngtwi buma risi nangjago tai siping birmano khiklaimani balukjak nugui kiphiui thangmani  nai phano mairwngtwi bai buma bono horsasawk tongwi thangnani kobogma bai bo lono.

Sarikgo khwnai khalnani mungwi raja mwtaini khum sipingni khunju borwi rihormano mairwngtwi thopkma tolao khiklaiui rio. Bahanok gosiya wngwi sipingtwi thokma tolani khum nni thangphuru mairwngtwini buma twi kutung luoi sipingno solao khakchobui mwsa khugo thangthun hinui bolongo khibiui rio tai mairwngtwi bibijwkni kanmungf chumung bai rani sajogwi bubagrani nogo thango. Mairwngtwini tongmung chamung tai koklamrog bihik sipingni tongmung bai khapiya wngmarokno nugui bubagra kha thariui tongo. Siping risa sorbangi takmano takbaiya bara takna hinui rwngtwi rwngyatwino bumul kholphuru tokthuma mairwngtwi bumul kholnani phwrwngo.O tokno Mairwngtwi rwkphano a tok taibo ganao phaiui pung phaimano raja khwnaui kha hamjakjya wngwi bolongo mui kognani thango. Bolong sapung mui manya wngwi tai kha swrangjakya wngwi bo rimani mwswini bagwi nok tangwi rimanio hor airwnani kha chogo. Aro mwswibai bini bihik Sipingtwino khorok suoi twikuknani kok saoi twisao twlangwi tannai khibio tai bini thubai sipingtwino twikugrwi rajakhoro tubuo .Ulo mairwngtwini bumano bini busukno nainani bagwi bubagra rajakhoro kwcharo. Raja khor phaimani ulo mairwngtwi ni buma bai buphayung rajani seleng bai lengrarogni markheno kara thungjak thok kha. Ulo mai cha phuru mairwngtwini bahanno songwi serwi charijak kha tai parani borokrogbai bagwi chalaidi hini tak kwtal ri kwtal bai khapungwi marwngtwini bokhorok rwiui baharjak.Nok phaui parani borokbai raja rihorma mui bogwi chalainani hinui tuk phiyogwi bwsajwkni bokhorok kocho nugui mairwngtwini buma leng kotor lengwi thango tai a lengma baino bo thwiui thango.

Bolong sapung mui manya wngwi tai kha swrangjakya wngwi bo rimani mwswini bagwi nok tangwi rimanio hor airwnani kha chogo. Aro mwswibai bini bihik Sipingtwino khorok suoi twikuknani kok saoi twisao twlangwi tannai khibio tai bini thubai sipingtwino twikugrwi rajakhoro tubuo .Ulo mairwngtwini bumano bini busukno nainani bagwi bubagra rajakhoro kwcharo. Raja khor phaimani ulo mairwngtwi ni buma bai buphayung rajani seleng bai lengrarogni markheno kara thungjak thok kha. Ulo mai cha phuru mairwngtwini bahanno songwi serwi charijak kha tai parani borokrogbai bagwi chalaidi hini tak kwtal ri kwtal bai khapungwi marwngtwini bokhorok rwiui baharjak.Nok phaui parani borokbai raja rihorma mui bogwi chalainani hinui tuk phiyogwi bwsajwkni bokhorok kocho nugui mairwngtwini buma leng kotor lengwi thango tai a lengma baino bo thwiui thango.

What will i learn?

• O kothomani bisingtwi chwng bujikha rajani birondiyarog twi kangjagwi twi nungphuru sipingtwino jaikhe nugui belaino naithok kha. Bono nugui naithokjagwi borog rajano oitihasikni sak goronni kokrogno thangwi saoi .Bini sak horon hiui taikhe khutilai, tangkwrwng supkwrwng, sak duk belai naithok hinui sao. O kokrogno khwnaui raja bini birondiyarog samatuino sipingni goronno nugui mwlang chajak kha. Tamole hinba aswk bwrwi naithok bo tai kun jago nukyakho.

Frequently asked question